Со асфалтирање две улици во Пирава и Балинци, општина Валандово ја почна реализацијата на Годишната програма за изградба, реконструкција и одржување локални патишта и улици.
Во Програмата е предвидена изградба на четири улици во населените места на општината, асфалтирање девет градски сокаци, како и санација на оштетените делови од улиците.
Покрај асфалтирање, како што информираат од Општината, ќе бидат санирани и ударните дупки во Валандово со површина од околу 100 метри квадратни.