Здружението на медицински сестри од Штип со свечена седница денеска го одбележа Денот на сестринството.
Претседателот на Здружението на медицински сестри-Штип, Мирјана Смилков истакна дека најтешка задача е да се прогласи некој за најдобар во нивната хумана професија, а годинава на државно ниво две медицински сестри од Штип беа прогласени за најдобри.
Надица Стојанова е првата медицинска сестра од приватниот сектор што добива високо признание на државно ниво, а е предложена од нејзините колешки од државните здравствени установи и од нејзините пациенти.
– Се надевам дека мојот пример ќе го следат и останатите колешки од приватните здарвствени установи и ќе станат членови на здружението, бидејќи е здружение на сите медицински сестри, вели Стојанова.
На денешната свечена седница одделението за Гинекологија и акушерство при Клиничката болница-Штип беше прогласено за најдобро одделение поради најмалата неонатална смртност во државата.