Со повеќе активности денеска во општина Велес беше одбележан Денот на Европа-9 Мај. Манифестацијата започна на Градскиот стадион, каде во присуство на градоначалникот Аце Коцевски беше означен стартот на фудбалските натпревари меѓу екипите од четирите велешки средни училишта: Гимназија „Кочо Рацин“ УСО „Коле Неделкоски“ Економското „Јовче Тесличков“ и Хемиското „Димитрија Чиповски“.
Потоа во Младинскиот парк на дрвени штандови учениците од велешките основни училишта претставија некои од земјите членки на ЕУ: Холандија, Романија, Словенија, Полска и Франција.
– Сите реформи што треба да ги направиме во наредниот период треба да бидат не затоа што тоа од нас го бара ЕУ или НАТО, тука да создадеме подобра перспективна држава која во своето законодавство и во целиот живот во државата ќе ги прифати принципите на ЕУ, односно западноевропските вредности, потенцира градоначалникот Коцевски.