Продолжува поддршката на Македонците за влез во Европската унија покажува и анкетата, што која ја имаат спроведено студентите, заедно со своите професори од Правниот факултет при универзитетот „Гоце Делчев“-Штип (УГД), а која денеска беше презентирана во рамки на одбележувањето на Денот на Европа.
Универзитетскиот професор Страшко Стојановски вели дека анкетата е спроведна на 500 испитаници и се однесува повеќе на мислењето на Македонците.
– Во анкетата имаме поголема поддршка за членство во ЕУ, за разлика од членството во НАТО. Но, имаме интересен индикатор, каде што се забележува, а тоа не сме го виделе досега во други анкети, дека со опаѓањето на возрасната категорија, опаѓа и поддршката особено за членство во НАТО. Поддршката за членство во НАТО изнесува некаде околу 62,9 проценти, но кај најмладите категории. Кај студентите оваа подршка опаѓа некаде околу 55 проценти, а најголема е поддршката кај пензионерите и кај повозрасните категории, вели Стојановски.
Тој забележува дека преку оваа анкета може да се претпостави и забележи дека младите се попацифистички настроени, за разлика од повозрасните, кои заради безбедноста на државата и сигурноста за младите генерации ја даваат поддршката за членство во НАТО.
Во рамките на анкетата испитаниците одговарале и на прашањето: Која од светските сили ја чуствувате за најблиска или најпријателска?, при што речиси по една третина се застапени Русија, САД и Германија.
– Германија е тука изненадување, претпоставувам економската поврзаност најмногу влијае. Русија за нијанса има малку поголема поддршка. Но, многу интересен податок е дека оние кои се определиле за Русија и сме ги запрашале дали сте за членство во НАТО, во најголем дел или над 70 проценти, сепак се за членство во НАТО Алијансата. Уште еден интересен индикатор и покрај поддршката за членство во НАТО и ЕУ, доколку се постави прашањето: Дали сте за членство под услов да се промени уставното име на Репеблика Македонија, поддршката апсолутно се губи, и таа поддршка изнесува околу 9 проценти, рече Стојановски.
Според оваа анкета на студентите од штипскиот Правен факултет во реалните вредности поддршката за ЕУ е над 70 проценти, а за членство во НАТО под 63 проценти.
Во рамките на одбележувањето на Денот на Европа на Правниот факултет при УГД-Штип, денеска беа промовирани и книги и научни трудови на универзитетските професори, а меѓу кои публикацијата „Не е шега цензура и дискриминација“, изработена од трудовите на студентите, потоа книгата „Медиумско право“ од професорот Андон Мајхошев и зборниците. Одбележувањето на Денот на Европа се реализира и во соработка со студентите од Ликовната и Музичката Академија.