Општина Струмица ќе реализира заеднички проекти со бугарските општини Ќустендил и Петрич во рамките на Програмата за прекугранична соработка меѓу Македонија и Бугарија.
Таква одлука донесе Советот на општина Струмица на денешната, десетта седница.
Со Ќустендил ќе се реализира проектот „Зачувување на духовните светилишта-одржлив туристички потенцијал во Струмица и Ќустендил“, а вториот со Петрич е за „Заштита на локалното население од Струмица и Петрич од природни катастрофи и катастрофи предизивикани од човекот“.
Советниците донесоа одлука за пристапување кон измена и дополнување на Статутот на општината поради допрецизирање на челенови и нивно усогласување со Законот за одбрана.
На иницијатива на ФК „Академија Пандев“ Советот донесе одлука за именување на општинското фудбалско игралиште во „Филип Лазаревски“, во помен на трагично загинатиот фудбалер на овој клуб.
Советниците донесоа и повеќе решенија за разрешување и именување на претставници на Општина Струмица во училишните одбори на повеќе основни училишта и во Основното музичко училиште „Боро Џони“ во Струмица.
На денешната седница сите одлуки беа донесени едногласно со само една дискусија.