Во Струмица привршува санацијата на ударните дупки во неколку делови на градот, информираат од Одделението за комунани работи при општина Струмица.
Во текот на вчерашнит ден се изведуваа завршните работи за санирање на ударните дупки во централното градско подрачје, односно на булеварот „Ленинова“, кружниот тек кој ги поврзува булеварот „Гоце Делчев“ и улицата „Младинска“ , кружниот тек кој ги поврзува улицата „Крушевска Република“ со улицата „Маршал Тито“, како и делници од улицата „Крушевска Република“.
Во завршна фаза е и санацијата на ударните дупки на периферијата на градот, и тоа на улицата „Ристоман Попчевски“ што води кон спојот со улицата „Бетовенова“, како и на „Просенички пат“ и на други локации.
Од Одделението за комунални работи апелираат до граѓаните за трпение и разбирање за оние ударни дупки кои не се опфатени со програмата и информираат дека тие ќе бидат санирани во наредниот период.
