Петар Рупески со неговата тајфа од охридската населба Варош беа среќните фаќачи на бурето со црвено вино кое денес беше фрлено во водите на Охридско езеро.
Од трите буриња кои беа фрлени, две беа со бело вино , а едно со црвено вино. Најсреќниот доби вредни награди како и викенд во ски центарот Банско во Бугарија.
По бурињата во студените езерски води скокаа околу триесетина капачи претежно млади луѓе, а по меѓу нив и годинава традицонално поранешниот амбасадор на Европска Унија во Скопје, Ерван Фуере, кој рече дека со задоволство доаѓа во Охрид, и дека тоа и понатаму ќе го прави бидејки се чуствува како граѓанин на Охрид.
Ако Фуере двапати додека беше амбасадор во земјава прв стигнуваше до бурето со црвено вино, оваа година за адет влезе во езерските води.
Мики Трајковски