Жители од улицата „Борис Сарафов“ во населбата Ѓорче Петров вечерва околу 19 часот со контејнери го блокираа сообрќајот поради незгодата во која возило „опел астра“ удри 10-годишно дете.
Блокадата, како што информира МВР, е и во знак на револт поради брзото возење по улиците, односно непочитувањето на сообраќајните знаци.
Детето, според првичните информации на полицијата, по сообраќајката е веднаш пренесено во Ургентниот центар, но се уште не се знае видот на повредите.
Жителите подолг период бараат од општината Ѓорче Петров да биде поставена светлосна сигнализација бидејќи ова не е прв пат на оваа улица да има сообраќајна несреќа во која страдаат малолетни деца.
Виктор Јованов