Поднесени се кривични пријави против С.О. (27) од Струга и против П.С. (27) од струшкото село Брчево за две казнени дела „тешка кражба“ и едно казнено дело „тешка кражба во обид“. Пријавените со подесен алат ги кршеле бравите од влезните врати на трговски објекти во Струга, по што насилно влегувале.
На трети март оваа година во периодот од полноќ до шест часот, тие влегле во маркет лоциран на улицата „Маршал Тито“, во бутик на кеј „Борис Кидрич“, а потоа и во угосителски објект на кеј „8 ноември“. Од маркетот и бутикот, двајцата пријавени одзеле пари, цигари лап топ и разна машка облека.
Со извршувањето на казнените дела, сега пријавените С.О. и П.С. се стекнале со противправна имотна корист од 116.000,оо денари.