„Последниот извештај на „Фридом хаус“ во кој се нотира напредок во независност на медиумите и демократското владеење е уште една потврда за исправноста на започнатиот реформски процес од Владата предводена од СДСМ.
После долги години уназадување кога Македонија беше категоризирана како заробена држава извештајот на „Фридом хаус“ за првпат нотира дека во 2017 година постои напредок во националното демократско владеење и независноста на медиуми, а Македонија е категоризирана како „светла точка“ и држава која најмногу ветува дека е можен демократски пробив во Европа.
Ова се првични констатации, после само неколку месеци од преземањето на одговорноста од страна на СДСМ.
Реформскиот процес, ослободувањето и професионализацијата на државните институции што овозможуваат независни медиуми, професионални институции и неселективно владеење на правото ќе продолжи уште позасилено.
Напредокот на Македонија во сите сфери продолжува!“, се вели во соопштението на СДСМ.