Претставници на фабриката Кромберг и Шуберт од Битола во недостиг на соодветна работна сила во тој град тропна на вратите на Агенцијата за вработување во Кичево каде извршија презентација на условите и потребите за работна сила во нивната фабрика.
Интересот беше мошне мал, односно учествуваа само 20 невработени лица иако се бараа многу повеќе. Во Кичево во моментот во Агенцијата за вработување работа барат 3038 лица во која бројка влегуваат само таканаречените активни баратели на работа, иако бројката на невработени е двојно поголема ако се сметат и пасивните баратели на работа.