Здружението „Порака“ од Струмица денеска во центарот на градот организираше предвелигденски хуманитарен хепенинг по повод празникот Лазарова сабота.
На манифестацијата беа изложени ракотворби, керамички вазни со велигденски мотиви, боење јајца за Велигден и други креации по повод Велигден.
Граѓаните можеа за симболична сума да купат дел од креациите, а парите собрани од продажбата ќе бидат искористени за опремување на Социјалниот клуб на Центарот за поддршка на лица со интелектуална попреченост „Порака“ со потребни дидактички материјали за работа.
Здружението „Порака“ на 7 април, на ден пред Велигден, ќе организира уште еден предвелигденски хепенинг.