Градоначалникот на Валандово Перо Костадинов денеска се сретна со амбасадорката на Босна и Херцеговина во Македонија Лепа Бабиќ.
На средбата, како што информира општина Валандово, градоначалникот ја информирал амбасадорката за предностите и долгорочните цели на општината, а се разговарало и за поврзаноста на двата народи во минатото и за можностите за продлабочување на односите во културата и економијата во иднина.
Покрај тоа било разговарано и за потенцијалното збратимување на општина Валандово со општина од Република Босна и Херцеговина.
Градоначалникот Костадинов ја информирал амбасадорката дека општина Валандово е пример за компактно функционирање на заедница со повеќе народности и верски определби.
