По завршувањето на судењето во предметот „Поткуп“ премиерот Зоран Заев, одговараше на новинарски прашања од кои едно се однесуваше на неговиот однос со лидерот на ДУИ, откако СЈО покрена истрага против Ахмети за пропаднатиот попис од 2011-та година.
„Апсолутно немаме разговарано на таа тема. Правосудството нема врска со извршната власт. Тоа треба да тера. Тераат и против Заев, тераат и против Ахмети, веројатно извршната власт е најподатлива да прави кривични дела“, рече премиерот одговарајќи на прашањето.
Тој подвлече дека во иднина очекува конкретни предмети против секој што има индиции дека можеби се огрешил.
„Тоа е она коешто треба да го работи правосудството, а не беше прилика во 11 години наназад, да се отвори некој предмет против некои високи представници на власта или слично. Апсолутно, органите на прогнот треба максимално да бидат посочени во сузбивањето на секој можен криминал, но најмногу на криминалот којшто е потенцијално можен да биде создаден од страна на извршната власт“, истакна Заев.