Охриѓанец вчера ја искршил покривката од ќерамиди на Турбе-гробот на непознат муслимански светец спроти Хајдар Пашината џамија во Охрид.
Од МВР соопштија дека во Полициската станица Охрид од граѓанин било пријавено дека непознато лице врши оштетување верски објект-гроб на улица „Гоце Делчев“ спроти Хајдар Пашина џамија. Од извршениот увид било утврдено дека околу 15:50 часот непознатиот сторител ја искршил покривката од ќерамиди на Турбе, по што побегнал.
Од преземените мерки било утврдено дека сторител на делото е Е.Ш.(38) од Охрид. Тој бил пронајден, лишен од слобода и задржан во Полициската станица Охрид за понатамошна постапка.