Министерот за надворешни работи, Никола Димитров кажа дека постојат разлики во предлозите кои ги подготвија Македонија и Грција.
На прашањето дали тоа што го достави Грција е прифатливо, Димитров кажа дека дека анализата е во тек и не е сигурен дека вакви сигнали преку медиумите ќе бидат корисни.
-Да се обидеме во директна комуникација да ги надминеме разликите, рече Димитров.
Во процесот за надминување на разликата за името, денес во попладневните часови во Атина претставник на РМ достави нацрт договорот кој беше подготвуван претходниве денови. Во изминативе денови го добивме и грчкиот нацрт договор и со ова комуникацијата влегува во размена на пишани документи. Доколку е целта да се најде едно достоинствено решение за името треба да се најде јасна дестинкција помеѓу регионот Македонија и нашата држава Македонија, тоа е можно, рече Димитров.