Државниот секретар во Министерството за надворешни работи Виктор Димовски денес ќе оствари состанок со висока делегација на Европската Унија, предводена од Заменик генералниот секретар надлежен за Заедничка безбедносна и одбранбена политика (ЗБОП) во Европската служба за надворешни работи Педро Серано.
Дискусиите на состанокот ќе бидат фокусирани на европската перспектива на Република Македонија, процесот на спроведување на внатрешните реформи и добрососедските односи. Исто така, се очекува да се разменат мислења и информации во однос на Заедничката надворешна и безбедносна политика (ЗНБП) на ЕУ и учеството на нашата земја во оваа област, како и за активностите и соработката во борбата против тероризмот.
Почитувани претставници на медиумите, ве каниме медиумски да го покриете настанот. Средбата започнува во 16:00 часот во просториите на МНР. Имате можност за фото и видео инсерти пред почетокот на состанокот.