Градоначалникот на општина Центар Саша Богдановиќ денеска оствари средба со претставници на меѓународната мрежа на уличен печат „Лице в лице“.
Богдановиќ ја мапираше првата зона „Лице в лице“ и активно се вклучи во продажба на списанието.
„Општина Центар е подготвена да поддржи активности за помош на сите ранливи категории. Како општина и јас како градоначалник осудуваме дискриминација од секаков вид, а особено на лицата кои чесно и достоинствено заработуваат за живот“, изјави Богдановиќ.
Договорено е потпишување на Меморандум за соработка, а градоначалникот и советниците ќе се вклучат во промоција на концептот „Лице в лице“ заедно со продавачите.
Во општина Центар ќе се одбележа сите т кафулиња и угостителски објекти, каде што се добредојдени продавачите.
Во земјава бездомништвото расте, а празните живеалишта се множат. Затоа, беше посочено, неопходен е систем за социјално претприемништво и инклузија.
Општина Центар, во рамките на своите ингеренции и можности ќе работи за интеграција на овие лица, ќе се користат најдобрите примери од Полска. Европската унија е отворена за соработка и тоа треба да биде поздравено од институциите и поединци.