Хјундаи повлекува 43.491 возило од моделите „Санта фе“ и „Санта фе спорт“ од американскиот пазар, поради воланот – тестовите покажуваат дека има голема опасност тој да се скрши и откачи при возењето.
Во соопштение од компанијата се наведува и дека главен виновник за оваа состојба е доставувачот и дека другите Хјундаи возила го немаат тој проблем.
Спорни се моделите „Санта фе“ произведени во периодот меѓу јуни и декември лани, во Јужна Кореја, како и „Санта фе спорт“ што се произведувал во фабрики во Алабама и Џорџија.