Општина Велес денеска организира голема еколошка акција за чистење на градот под мотото „Не валкај-разубави-Ден за Велес“.
Акцијата се организира заедно со ЈКП „Дервен“, основните и средните училишта, урбаните заедници, општинската организација на Црвен крст, ТППЕ-Велес-Територијалната противпожарна единица Велес, Центарот за управување со кризи и со повеќе граѓански организации.
Планирани се три собирни пунктови: во близина на Стар мост, на градскиот стадион и на игралиштето во населба „Тунел“. Акцијата ќе се одвива на локациите: ул.„Димко Најдов“, ул. „Луј Пастер“, на градскиот фудбалски стадион и на ул. Благој Ѓорев“.
Заради високиот водостој на Вардар ќе се избегнуваат крајбрежните појаси покрај реката за да не дојде до некои несакани последици.