Тренерот на македонскиот ракометен вицепрвак Металург во пресрет на средбата од 16. коло на СЕХА-лигата против Мешков Брест, побара од своите избраници да ја зацврстат одбраната.
– Ни преостануваат уште само три натпревари до крајот на регуларниот дел на СЕХА лигата. Дома играме со Мешков Брест, потоа му гостуваме на Татран Прешов и на крајот на домашен терен го пречеуваме тимот на Целје. Од овие три натпревари, јас ќе бидам задоволен ако извојуваме една победа Во среда играме со Мешков Брест, кој е апсолутен фаворит, а ние, од наша страна, ќе направиме се за да го изненадиме противникот, иако имаме многу играчи кои се надвор од тренажниот процес. Имено, Пешевски, Јагањац и Танковски имаат вироза. Ние ја следиме нивната состојба и доколку таа се подобри тие можеби ќе настапат, истакна Јовиќ.
Тој се осврна на играта во одбрана како проблематичен сегмент.
– Имаме проблеми со одбраната, тоа го покажаа последните неколку натпревари на кои примивме преку 30 голови. Ќе се обидеме да ги поправиме нашите грешки и да го спуштиме Брест под 25 постигнати голови. Доколку го направиме тоа, ќе имаме шанса за изненадување. Ако примиме повеќе од тоа, ќе биде тешко да се постигне добар резултат, потенцира предводникот на „металурзите“.
Натпреварот Металург – Мешков Брест се игра в среда со почеток во 17:30 часот.