Во двор на напуштена куќа во скопско Арачиново вчера биле пронајдени девет парчиња ракети за минофрлач. Случајот бил пријавен во полиција, а увид направил Одделот за недозволена трговија и антитероризам.
– На 4 март 2018 година во 13.40 часот во Единицата за информации и команда Скопје, Џ.И. пријавил дека во двор од напуштена куќа во село Арачиново, скопско, биле пронајдени девет парчиња ракети од минофрлач, соопшти денеска МВР.
Како што информираат оттаму увид на местото извршиле екипи од Одделот за недозволена трговија и антитероризам. Се преземаат мерки за расчистување на случајот.