Предложените измени и дополнувања на законите за туристичка дејност, за угостителска дејност, за такса за привремен престој, како и мерките за подобрување на состојбите во туристичкиот сектор ќе бидат тема на дискусија на јавните расправи што ги организира Секторот за туризам и локален економски развој при Општина Охрид.
Закажани се два состанока последователно, првиот од 11 часот со претставници на туристички агенции, хотели, туристички водичи и придружници, додека веднаш потоа по однос предложените законски измени во секторот ќе можат да се произнесат физичките лица од градот и околината кои вршат угостителска дејност – приватно сместување.
На јавните расправи ќе присуствуваат и претставници на Министерството за економија и Стопанската комора.