Во центарот на Штип на улицата „Љубен Иванов“, утринава околу 9:30 часот се запали оџак на куќа. Пожарот експресно го изгаснаа штипските пожарникари.
Тони Атанасов командир на ТППЕ-Штип вели дека нема голема материјална штета во куќата, каде што се запалил оџакот. Тој истакна дека изминатите денови бележат шест пожари, од кои и три на оџаци.
– Поради ниските температури изминатите денови граѓаните, кои се греат на дрва во своите печки ставаат поголеми количини. Во текот на наредните денови поради појавата на ветер очекуваме и оваа бројка на пожари да се зголеми, бидејќи ветерот ги носи саѓите од оџаците, со што се предизвикува и нивно палење, вели Атанасов.
Апелира граѓаните да внимаваат и редовно да си ги чистат оџаците пред секоја грејна сезона.
