Екипите на Јавното претпријатие за комунални дејности „Комуналец“ помогнати со механизација од локалните компании го исчистија снегот од патниот правец до селата Раборци, Попчево, Рич и браната „Водоча“, соопштија од Општина Струмица.
Овој патен правец е прооден, а со тоа и учениците од шесто до деветто одделение од овие населени места непречено од денес ја следат наставата во Основното општинско училиште „Маршал Тито“ во Струмица.
Инаку, сите патишта во општина Струмица се проодни. И покрај тоа службите се на терен. Ја контролираат состојбата и интервенираат каде што има потреба.
Екипите на ЈПКД „Комуналец“ и денеска работат на улиците во градот на целосно расчистување на снегот од коловозите, тротоарите и јавните површини.
На улиците во горниот дел од градот, каде што не можат да влезат машините за чистење на снегот, рачно се фрла сол.