Велешката полиција поднесе кривична пријава против момче за панадот врз 13-годишната малолетничка, штитеник на јавната установа за деца со социјални проблеми „25 Мај“.
Кривичната пријава е против момчето Е.Х. (18) поради сомнение за сторено кривично дело „полов напад врз дете“.
Директорот на „25 Мај“ Стевчо Соколовски поднесе оставка од морални причини, а МТСП истакна дека очекува МВР и ОЈО да преземат мерки согласно нивната надлежност, со цел да се пронајдат и санкционираат лицата коишто ја злоупотребувале малолетната жртва. МТСП минатата недела истакна дека најверојатно станува збор за сексуална експлоатација од надворешни лица или трговија со луѓе.