Зачленувањето на земјите од Западен Балкан во Европската Унија е во интерес на самата Унија, но достигнувањето на таа цел е во рацете на балканските држави, смета Министерството за надворешни работи на Шведска.
Стокхолм смета дека вредностите како демократијата, владеењето на правото и човековите права треба да имаат поголемо значење во процесот. Перспективата на приклучување кон Унијата, која се базира на исполнување на условите, е клучен двигател на демократијата, напредокот и стабилноста на земјите од Западен Балкан. Новата Стратегија ја нагласува оваа перспектива и внесува нов момент во процесот на проширување, наведува Министерството.
Притоа се додава дека Шведска ќе продолжи да го поддржува процесот на проширување на ЕУ и политички и економски.