Филипинскиот претседател Родриго Дутерте нареди да се уништат запленетите шверцувани луксузни возила. Тој лично го надгледуваше процесот за уништување на возилата вредни околу 1,2 милиони долари.
Уништени беа 29 шверцувани возила, вклучувајќи модели на Бе-Ем-Ве, Јагуар, Мерцедес-Бенз и Корвета. Тие беа уништени со булдожери.
Погомеиот дел од автомобилите беа уништени во Бирото за царина во Манила, каде што присуствуваше и Дутерте.
Седум возила беа уништени во Давао и три во Цебу.
Со уништувањето на возилата филипинските власти сакаа да испратат порака дека ќе се борат против шверцувањето на возило.
– Сакате да увезувате автомобили? Платете ги давачките прво. Отсега ќе стане пракса да се уништуваат шверцуваните луксузни возила, изјави Дутерте.