Земјотрес со јачина од 3,8 степени според Рихтер е регистриран во 10 часот и 13 минути во Грција, а потресот бил почувствуван во Дојран.
„Денеска во 10 часот и 13 минути е регистриран земјотрес чиј епицентар потекнува од дојранското епицентрално подрачје.
Епицентарот на земјотресот се наоѓа на 14 километри источно од Дојран во соседна Грција. Рихтеровата магнитуда на земјотресот изнесува 3.8, а беше почувствуван од населението во Дојран и околината“, информира Сеизмолошката опсерваторија при Природно-математичкиот факултет во Скопје.
Потресот со помал интензитет бил почувствуван и во Гевгелија, Валандово, Струмица и Штип и останатиот дел на југоисточна Македонија.
