Од една од зградите на студентскиот дом „Гоце Делчев“ вчера е забележано како од најгорниот спрат се фрлаат вреќи полни со гипс картон. Отпадот го фрлаат мајсторите кои моментално работат на реновирање на студентскиот дом во кој студентите живееа во нечовечки услови.
Освен што треба да погледнувате лево и десно кога поминувате некаде, не е на одмет да погледнете и нагоре зошто еве кај нас вака се работи… ??? Не знам како да ја објаснам сериозноста на ситуацијава, само ќе ви кажам дека уште имам бело на чизмите од огромниот гипс што за ептен малце ќе ми паднеше на глава. Мајсторите уште викаа како ние да сме криви што поминуваме на патека која што нит има жолта лента, ниту знак, ниту пак било какво предупредување. Секој ден од тука поминуваат луѓе, деца, студенти и само се прашувам кај кого би ја барале одговорноста ако некој загине од безвезе. Стефан Богоев
Posted by Nina Anicin on Четврток, 01 февруари 2018
Местото каде паѓаат вреќите со гипс не е обележано или заградено, односно не се преземени никакви безбедносни мерки и прописи за заштита при работа, па прошетката околу студентскиот дом може да биде кобна за некој случаен минувач.
Граѓаните изреволтирани од овој несовесен гест на работниците, бараат надлежните органи навремено да преземат нешто во врска со овој случај додека се уште нема настрадани.
