Генералниот директор за проширување на Европската комисија, Стефано Санино утре пристигнува во Скопје. Санино во Скопје ќе има средба со министерот за надворешни работи Никола Попоски, кој како што најави МНР, ќе му ги „образложи постигнатите реформи во Република Македонија кои придонесоа ЕК по четврт пат да ја потврди препораката за почеток на пристапните преговори на нашата земја за членство во ЕУ“.
Попоски, тврди МНР, ќе го запознае соговорникот и со резултатите од последната посета на медијаторот Нимиц на Скопје, како и со активностите кои Република Македонија ги презема во насока на промовирање на добрососедските односи.