„Судијата Дијана Груевска Илиевска која го води повторениот судски процес за Резервни тенковски делови против експремиерот Владо Бучковски стана судија за организиран криминал а судијата од Монструм и Расколник, Ивица Стефановски заменик претседател на Кривичниот суд“, информира телевизијата Канал5.
Овие промени со годишниот распоред ги направил новиот претседател Владимир Панчевски кој претходно судеше организиран криминал и со неговиот избор се испразни едно судиско место во овој оддел. Тој за Канал 5 изјави дека за свој заменик го поставил судијата Ивица Стефановски.
Во однос на судскиот процес за Резервните тенковски делови кој е при крај со доказната постапка, Панчевски за Канал 5 изјави дека судијката Груевска Илиевска иако е префрлена во организиран криминал, ке го доврши ова судење.