Поранешниот генерален секретар на Социјалдемократската младина (СДММ) Михаил Младеновски заедно со група млади луѓе денеска побараа оставка од претседателот на опозициската СДСМ Бранко Црвенковски и најавија дека на претстојните локални избори ќе настапат со независни кандидатски листи, незадоволни од последните одлуки на раководството на матичната партија.
– Како млади социјалдемократи не се согласуваме со последните одлуки на раководството на СДСМ и повторуваме дека тоа се одлуки само на раководството. Застануваме на страната на социјалдмократските вредности, односно на страната на обесправените лица во оваа држава … Сметаме дека раководството на СДСМ нема капацитет да учествува на следните локални избори. Поради тоа и поради низа други политики со кои како млади луѓе не се согласуваме, одлучивме да настапиме независно со кандидатски листи, изјави поранешниот генерален секретар на СДМM Михаил Младеновски, кој е кандидат за независна советничка листа за Општина Центар.
Младите социјалдемократи
Акцијата, според Младеновски, симболично означува дека на лидерот на СДСМ Бранко Црвенковски му се важни само моќта и парите.
