Во организација на повеќе движења и здруженија, пред Собранието се одржа протест против, како што велат, антиуставниот и дискриминаторски закон за двојазичност.
Оваа власт е антимакедонска и нелегитимна, после тие нерегуларни процеси, за што поднесовме барање до Јавното обвинителство да се поведе опсежна истрага, рече Ана Бобинкова Мијаковска, претседател на здружението на граѓани „Преродба“.
„Денешниот протест е закажан како сенароден предупредувачки протест со оглед на тоа дека забрзано се реализираат антимакедонските политики во соработка со други големи центри на моќ, притоа македонскиот народ е ставен настрана. Тие го злоупотребуваат дадениот легитимитет и го користат правото на гласачот да одлучуваат против сопствениот народ и сопствената држава, што е еден, единствен уникатен пример во светот.
Од денешниот протест сакаме да испратиме порака дека македонскиот народ никогаш нема да се помири со оваа состојба и во тек е потпишување со којашто бараме пред се да престанат сите овие преговарања на штета на македонскиот народ и македонската држава и сите досегашни такви нелегитимни одлуки, закони, акти, договори и се што се носи од актуелната нелегитимна власт не ги признаваме и ги прогласуваме за невалидни“, вели Бобинкова Мијаковска.
На следните протести, кои ги најавија, ќе биде даден збор на самиот народ, за да си ги искаже своите ставови и мислења во однос на актуеланите случувања.
Како што порача Мијаковска, сите здруженија на граѓани ќе стапат во коалиционо единство со народот, со цел преземање на судбината во свои раце и издвојување докрај на праведна битка, за сочување на вековниот идентитет, историја, култура, име и држава.