Денеска, во 11 часот и 12 минути бил регистриран земјотрес со магнитуда од 2,4 степени според Рихтеровата скала кој бил почувствуван од жителите на Охрид и неговата непосредна околина, информираат од Сеизмолошката опсерваторија при Природно-математичкиот факултет.
Епицентарот на земјотресот бил на само 6 километри источно од Охрид во околината на селото Рамне. Според Европската макросеизмичка скала, земјотресот имал интензитет од три степени.
