Основното јавно обвинителство за гонење на организиран криминал и корупција побара од кривичниот суд да ја укине мерката куќен притвор за пратеничката Жаклина Пешевска и нејзина замена со мерки на претпазливост.
За оперскиот пејач Игор Дурловски, пак, Обвинителството побара да му се укине мерката притвор во истражниот затвор во Шуто Оризари и наместо тоа да му биде одредена мерка куќен притвор.
„Надлежниот обвинител побара од судот за лицето Ж.П да биде укината мерката куќен притвор и истата да биде заменета со мерки на претпазливост, а за осомниченото лице И.Д. мерката притвор да биде заменета со мерка – куќен притвор. За останатите осомничени лица обвинителството останува на барањето за продолжување на претходно изречените мерки за обезбедување на присуство и за непречено водење на кривичната постапка“, соопшти Обвинителството.