Мора да се изнајде заедничко ерга-омнес решение за името, па поради тоа планираме да ги засилиме преговорите во ОН за да се изнајде решение за името, изјави грчкиот премиер Алексис Ципрас по средбата со македонскиот премиер, Зоран Заев денеска во Давос.
Тој изјави дека мора да се пронајде решение за сите прашање, за да може Македонија да продолжи во интеграциите кон ЕУ и НАТО.
– Балканот помина низ многу поради национализмот и тензиите. Нам ни треба агенда на соработка и развој, за европската перспектива на Западниот Балкан да зајакне. Многу луѓе од двете земји не гледаат. Некои со скептицизам и загриженост, некои со надеж. И јас и премиерот Заев сакаме да ги надминиме разликите со прагматизам и чувство за одговорност, изјави Ципрас.
Тој додаде дека не сакаме само решение на проблемот со имету, туку развивање на нашите билатерални односи на цврсти темели, базирани на почит и доверба.
– Тоа значи дека мора да се бориме против иридентизмот. Зоран (Заев) ме информираше дека се подготвени на важни иницијативи во оваа насока. И ние од нашата страна сме подготвени да поддржиме процедури, кои нашта влада ги блокираше. Под тоа мислам на кандидатурата на нашата соседска земја за Јадранско-јонската иницијатива и на ратификацијата на втората фаза од Договорот за асоцијација со ЕУ во грчкиот Парламент, рече Ципрас.