СДСМ побара пауза од еден час за да се придружат на протестот против преименувањето на улиците во Скопје.
Протестот, рече координаторот на СДСМ, Игор Ивановски, е на мостот за кој Владата даде 2 милиони евра. Го повика и претседателот на Собранието да се придружи на протестот, бидејќи рече, оваа одлука на Град Скопје треба на роденденот на ВМРО-ДПМНЕ, да ги отрезни и да почнат да работат во интерес на граѓаните.
Треба, рече Ивановски, да престане оваа расипничка политика на ненародната власт.
„Лошо е со пари од Собранието да се остварува политичка активност. Не ви бега протестот. Ако треба и јас ќе се јавам да ве почекаат,рече претседателот на Собранието, Трајко Велјаноски.
„Не е во ред некојси маркетинг да се прави,ова не доликува.Народот не бирал за да работиме во парламентот. Ние сме пратеници а не градски советници“, процедурално укажа Амди Бајрам.
По паузата ќе продолжи расправата по предлогот на опозицијата , да се доделат по 2000 денари за храна на социјалните случаи и тоа за купување исклучиво на на македонски производи. За ВМРО-ДПМНЕ, предлогот не е прифатлив, бидејќи сметаат дека се работи само за маркетинг.