Од досегашните вкупно 12.500 поднесени барања за легализација на бесправно изградени објекти до 2011 година во Струмица се решени речиси 4.500. Според Стојан Динев, раководител на Секторот за урбанизам при општина Струмица, ваквото бавно темпо на решавање се должи на опаднатата платежна моќ на граѓаните.
– Претпоставуваме дека тоа се должи на лошата финасиска состојба во која се наоѓаат граѓаните. Имаме издадено урбанистичка согласност и пресметки, но со месеци и години граѓаните не доаѓаат да платат и да си ги подигнат. Според мои сознанија има голем број елаборати кај приватните геодети од каде граѓаните исто така не ги подигнуваат, вели Стојан Динев, раководител на Секторот за урбанизам при општина Струмица.