Бугарите и Хрватите заостануваат со куповната моќ зад најголем дел од членките на Европската унија, покажуваат податоците на Евростат.
Хрватска се наоѓа на претпоследното место според потрошувачката по жител, која сега изнесува 59 отсто од просекот во ЕУ, а на последното место се наоѓа Бугарија.
Ова е прва година Хрватска да биде претекната од Романија, каде што потрошувачката е 61 отсто од европскиот просек.
Турција во раст на животен стандард надминала веќе четири членки на Унијата и речиси сите држави од ЈИЕ. Просечен Турчин со потошувачка која е 64 отсто од просекот во ЕУ, има поголема куповна моќ од жителите на Хрватска, Унгарија, Романија, Бугарија, Србија, Црна Гора, Македонија, БиХ, Албанија…