Во дополнителниот рок за легализација во општина Гази Баба покрај поднесување нови барања во текот на целава година, до крајот на јуни ќе може да се комплетираат со геодетски елаборат 4.284 предмети за кои тој документ не бил доставен во претходниот рок.
Во општина Гази Баба заклучно со 31 минатиот месец од примени 18.505 барања за легализација, во постапка на решавање се 14.221 барање, од кои увид за утврдување на фактичката состојба на лице место е направен за 11.075, а тоа не е направено за 3.146 предмети.
Градоначалникот на Гази Баба Борис Георгиевски денеска на прес-конференција соопшти дека од досега обработените 11.626 предмети, позитивно се решени 7.342 (40 проценти) предмети, а 4.284 (23 проценти) се без доставени елаборати, кои се затворени со решение за одбивање на барањето.