На Гинеколошко – акушерското одделение при ЈЗУ Општа болница во Велес попладнево во 16:55 минути се роди првото бебе во Новата 2018 година. Тоа е женско и е четврто дете на родилката Алиова Наиме од Горно Јаболчиште.
Породувањето го водела специјалист гениколог акушер доктор Соња Димова, со тимот акушерки и сестри.
Според информацијата од тимот кој ја породувал жената, бебето се родило по природен пат, а и бебето и мајката се во добра здраствена состојба. Бебето е тешко два килограми и 960 грама и долго 50 сантиметри.
На родилката ова и е прво женско дете, а таа досега родила три сина кои имаат шест, четири и три години.