Собранието на Република Македонија денеска треба да ja одржи 29. седница на чиј дневен ред се пратенички прашања на кои треба да одговараат владините претставници.
Пратениците од ВМРО-ДПМНЕ најавија дека нема да учествуваат на седница, на која се планирани пратеничките прашања.
Ваквата одлука следува по продолжувањето на притворите на осомничените за насилството во Собранието на 27 април. Од ВМРО-ДПМНЕ сметаат дека оваа одлука на Кривичниот суд не е во насока на нивните желби за помирување и продолжување на дијалогот.
Опозицијата го бојкотира парламентот по притворањето на нивните пратеници и приврзаници.
Премиерот Зоран Заев изјави дека доколку пратениците од ВМРО-ДПМНЕ не се појават на седницата за пратенички прашања тој нема да одговара на прашањата на пратениците од мнозинството.