Советот на општина Прилеп на вчерашната седница го изгласа буџетот за 2018-та година, информираат од локалната самоуправа. Буџетот за наредната година е проектиран на 1.135.906.000 денари.
Претставувајќи го пред советниците, прилепскиот градоначалник Илија Јованоски рече дека буџетот дел е развоен, а дел е наменет за враќање долгови.
-Оваа година донесовме развоен буџет во првиот дел, а во вториот дел треба да ги вратиме долговите кон добавувачите што биле направени досега. Буџетот за 2018 година изнесува 1.135.906.000 денари. Од нив, основниот буџет е 427 милиони денари. Развојниот дел на буџет се однесува на предвидените средства за изградба и реконструкција на улиците во Прилеп и во населените места, посочи Јованоски.