Претседателот на Алијанса за Албанците, Зијадин Села, во изјава за „Макфакс“ вели дека засега немаат одлучено како ќе постапуваат, односно дали неговата партија ќе учествува во работата на Собранието. Во однос на тоа дали на денешното продолжение од пленарната седница ќе гласаат за избор на новите министри, меѓу кои е министерот за здравство, Села молчи.
„Ќе видиме како ќе постпапиме. Истото ќе го видите и вие наскоро. Ако има нешто дополнително, ќе повикаме прес-конференција и ќе одговориме на прашањето. До тогаш, немаме став“, рече Села.
Вчера лидерот Зијадин Села по состанокот на Централното собрание што се одржа во Гостивар рече дека очекува нова средба со премиерот Заев за да разговараат повторно околу условите за нивното останување во коалицијата.