Судењето за предметот на Насилство во Центар, во кое осомничен е експремиерот Никола Груевски, е одложено за 27 ноември бидејќи во судницата немало камери за снимање на судскиот процес.
Судијката која се споменуваше во бомбите, Сафије Лаличиќ, ги зела камерите за рочиштето за предметот во кој дедото на малата Тамара од Велес е обвинет за обид за убиство врз ексминистерот за здравство, Никола Тодоров.
Двете судења беа закажани во ист термин.
Сите обвинети и претставниците на СЈО беа во судницата и чекаа да стигнат двете камери за тонско и визуелно снимање на судењето. На минатото рочиште, адвокатите на Груевски и останатите обвинети поради тоа побараа да биде одложена главната расправа.
В.Маглешов