Секторот за внатрешни работи од Струмица почна со превентивна кампања против неовластената употреба на пиротехнички средства во пресрет на новогодишните и божиќните празници.
Од струмичката полиција потсетуваат дека пиротехниката го нарушува јавниот ред и мир, а неовластената употреба е казнива согласно Законот за прекршоци против јавниот ред и мир, Законот за заштита од експлозивни материи и Кривичниот законик на Република Македонија.
СВР Струмица во сите основни и средни училишта одржува предавања за опасноста од употребата на петарди под мотото „Честитај со разгледница, а не со петарда“.
Законската регулатива предвидува казни од 200 до 500 евра, како и казни затвор.