Дваесет талентирани спортисти и ученици од основните училишта од општина Гази Баба добија стипендии за учебната 2017/2018 година.
– Драги ученици, ваша работа е да учите, да се надградувате, а наша обврска е да ви направиме квалитетни услови за учење и за одвивање на воспитно-образовниот процес. Со квалитетен воспитно образовен и стручен кадар, со адекватни услови за работа, со мотивирани ученици, доаѓаат и одличните резултати во образованието, рече на доделувањето на стипендиите градоначалникот Борис Георгиевски.