Едно лице почина откако бил повредено од ловна пушка во пределот на главата за време на лов на дивеч во близина на браната Водоча, Струмица.
При лов на дивеч во кој учествувале поголема група на ловџии, Ж.И. бил повреден од ловна пушка во пределот на главата. Поради непристапниот терен, возилото на итна медицинска помош не можело да отиде до самото место, по што еден од пристуните ловџии се упатил во најблиското село за да земе теренско возило, со цел повредениот да го пренесе до возилото на итната медицинска помош.
Ж.И. по два часа од повредата во безсознание и во тешка состојба бил пренесен во медицинскиот центар во Струмица, каде што во 16:40 починал.
На местото на настанот излегол јавен обвинител и увидна екипа на СВР-Струмица и се преземаат мерки за целосно расчистување на случајот.
