Претседателот на Кипар, Никос Анастасиадис и премиерот на Грција, Алексис Ципрас во телефонски разговор ги разгледале активностите на двете страни пред посетата на турскиот претседател Реџеп Тајип Ердоган на Атина на 7 и 8 декември.
Ципрас и Ердоган се очекува да разговараат за следните чекори во врска со проблемот со Кипар. Атина и Никозија очекуваат дека турската страна ќе биде подготвена да дискутира за оние аспекти од кипарските проблем кои доведоа до застој на разговорите.
Грција ќе предложи свикување на нова конференција, како онаа во Кран Монтана, но под услов таа да биде правилно подготвена.